‘n Vlakvark staan onder ‘n groot ou bosveldboom en poets sy tande teen die stam. ‘n Jakkals draf verby en vra hom waarom hy sy tande in die gereedheid kry terwyl daar duidelik geen gevaar van nóg ‘n jagter, nóg ‘n leeu is nie. “Ek doen dit doelbewus nou,” kom dit van die Vlakvark, “want wat sal dit help as ek besig is om my tande te slyp juis op ‘n tydstip wanneer ek veronderstel is om hulle vir my eie verdediging te gebruik?”
